کراچی سمیت ملک بھر میں سونے کی قیمت میں ہزاروں روپے کی کمی ریکارڈ کی گئی ہے، جس کے بعد فی تولہ سونا 4 لاکھ 37 ہزار 836 روپے کا ہوگیا۔
آل پاکستان جیمز اینڈ جیولرز ایسوسی ایشن کے مطابق ملک بھر میں فی تولہ سونے کی قیمت میں 3 ہزار روپے کی کمی ہوئی ہے۔
اسی طرح 10 گرام سونے کی قیمت بھی 2 ہزار 572 روپے کم ہوکر 3 لاکھ 75 ہزار 373 روپے ہوگئی ہے۔
عالمی مارکیٹ میں بھی سونا سستا
دوسری جانب عالمی بازار میں بھی سونے کی قیمت میں کمی ریکارڈ کی گئی۔ عالمی مارکیٹ میں سونے کا بھاؤ 30 ڈالر کم ہوکر 4 ہزار 153 ڈالر فی اونس ہوگیا۔
عالمی منڈی میں سونے کی قیمت میں ہونے والی تبدیلی کا اثر مقامی مارکیٹ میں بھی سونے کے نرخوں پر پڑتا ہے، جس کے باعث پاکستان میں بھی فی تولہ اور 10 گرام سونے کی قیمت میں کمی دیکھی گئی۔
