سعودی عرب میں حوثی حملوں کی شدت اور امریکی سفارت کاروں کے انخلا کے حکم کے بعد ایشیائی مارکیٹ میں خام تیل کی قیمتیں 110 ڈالر فی بیرل سے تجاوز کر گئیں۔
سعودی عرب میں حوثی ملیشیا کے شدید حملوں اور امریکی حکومت کی جانب سے وہاں موجود غیر ضروری سفارت کاروں کو ملک چھوڑنے کے حکم کے بعد ایشیائی تجارتی اوقات میں خام تیل کی قیمتوں میں تیزی درج کی گئی۔
خبر رساں ادارے رائٹرز کے مطابق برینٹ کروڈ کی قیمت 1.29 ڈالر یعنی 1.2 فیصد اضافے کے ساتھ 110.11 ڈالر فی بیرل تک پہنچ گئی، جس سے بدھ کی سست روی کے بعد مارکیٹ میں بڑا ابھار دیکھا گیا۔
اسی طرح امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل کی قیمت 97 سینٹ یعنی ایک فیصد بڑھ کر 98.12 ڈالر فی بیرل ہو گئی۔
تیل کی قیمتوں میں اس اضافے کی بنیادی وجہ مشرقِ وسطیٰ میں خطے کی کشیدگی بڑھنے اور توانائی کی سپلائی میں خلل کے خدشات ہیں۔
