لاہور: معروف یوٹیوبر رجب بٹ اور ان کی اہلیہ ایمان فاطمہ کے ازدواجی تنازع میں نیا موڑ آگیا ہے، ایمان فاطمہ نے فیملی کورٹ سے رجوع کرتے ہوئے اپنے اور بیٹے کے لیے نان نفقے کا مطالبہ کردیا۔
دستیاب اطلاعات کے مطابق ایمان فاطمہ کی جانب سے دائر کیے گئے دعوے میں مالی معاونت کی استدعا کی گئی ہے۔ معاملہ عدالت پہنچنے کے بعد دونوں کے درمیان جاری ازدواجی اختلاف ایک بار پھر سوشل میڈیا پر زیر بحث آگیا ہے۔
View this post on Instagram
اس سے قبل رجب بٹ کی جانب سے طلاق کا نوٹس بھیجے جانے کی خبریں سامنے آئی تھیں، تاہم بعد ازاں وہ اپنے بیٹے کی سالگرہ کی تقریب میں شریک ہوئے۔ اس موقع کے بعد دونوں کے درمیان صلح ہونے سے متعلق قیاس آرائیاں بھی سامنے آئی تھیں۔
ایمان فاطمہ کے وکلا کے مطابق طلاق کا نوٹس متعلقہ اتھارٹی میں رجسٹر نہ ہونے کے باعث دونوں کو تاحال قانونی طور پر میاں بیوی تصور کیا جارہا ہے۔
اب نان نفقے کا معاملہ فیملی کورٹ میں پہنچنے کے بعد اس تنازع نے ایک نیا رخ اختیار کرلیا ہے، جبکہ سوشل میڈیا صارفین کی توجہ ایک مرتبہ پھر رجب بٹ اور ایمان فاطمہ کی نجی زندگی کی جانب مرکوز ہوگئی ہے۔
