عرب میڈیا کے مطابق حوثی ملیشیا نے خبردار کیا ہے کہ اگر پاکستان سعودی عرب کی حمایت میں اس کے خلاف فوجی کارروائیوں میں شریک ہوا تو پاکستان کو بھی نشانہ بنایا جا سکتا ہے۔
الجزیرہ کی رپورٹ کے مطابق حوثی ملیشیا کے ممکنہ فوجی منصوبوں سے متعلق ایک سکیورٹی عہدیدار نے دعویٰ کیا ہے کہ حوثی مختلف محاذوں پر جنگ کی تیاری کر رہے ہیں اور ان کی منصوبہ بندی میں پاکستان سمیت دیگر عالمی فریقوں کی ممکنہ شرکت بھی شامل ہے۔
عہدیدار کے مطابق حوثیوں نے خبردار کیا ہے کہ اگر پاکستان سعودی عرب کی حمایت میں ان کے خلاف کسی فوجی کارروائی میں شریک ہوا تو پاکستان کو بھی اسی نوعیت کی کارروائیوں کا سامنا کرنا پڑ سکتا ہے، جن کا سامنا اس وقت سعودی عرب کر رہا ہے۔
عہدیدار نے مزید دعویٰ کیا کہ پاکستان کی جانب بیلسٹک میزائل داغنے اور بحیرہ احمر اور بحیرہ عرب میں پاکستانی پرچم بردار بحری جہازوں کو نشانہ بنانے کے منصوبے زیر غور ہیں۔
