کوئٹہ کے علاقے نوان کلی کے قریب پاک فوج کی ایوی ایشن کا مشاق تربیتی طیارہ فنی خرابی کے باعث گر کر تباہ ہو گیا، جس کے نتیجے میں دونوں پائلٹس شہید ہو گئے۔
پاک فوج کے شعبہ تعلقات عامہ (آئی ایس پی آر) کے مطابق 12 اکتوبر 2026 کی دوپہر کوئٹہ کے قریب نوان کلی کے علاقے میں پاکستان آرمی ایوی ایشن کا ایک مشاق تربیتی طیارہ پرواز کے دوران اچانک تکنیکی خرابی پیدا ہونے کی وجہ سے حادثے کا شکار ہو گیا۔ طیارہ گرنے سے اس میں سوار دونوں پائلٹس موقع پر ہی جامِ شہادت نوش کر گئے۔
آئی ایس پی آر کے مطابق حادثے میں شہید ہونے والوں میں انسٹرکٹر پائلٹ میجر حسنین شہزاد ہمایوں اور اسٹوڈنٹ پائلٹ کیپٹن عبداللہ صمد شامل ہیں۔ واقعے کی اطلاع ملتے ہی امدادی ٹیمیں موقع پر پہنچ گئیں اور حادثے کی وجوہات کا تکنیکی جائزہ لیا جا رہا ہے۔
