وزارت اطلاعات کا کہنا ہے کہ شرپسند سوشل میڈیا ہینڈلرز کے پی میں من گھڑت اور گمراہ کن دعوے پھیلا رہے ہیں۔
وزارتِ اطلاعات و نشریات کا کہنا ہے کہ شرپسند سوشل میڈیا ہینڈلرز کے پی میں من گھڑت اور گمراہ کن دعوے پھیلا رہے ہیں، سوشل میڈیا ہینڈلرز اے آئی تصاویر، پرانی ویڈیوز کا استعمال کررہے ہیں، زیرِ گردش مواد میں فیکٹریوں کی آگ، لوڈشیڈنگ کی ویڈیوز شامل ہیں۔
تصاویر اور جعلی ویڈیوز کو غلط کیپشنز کے ساتھ پیش کیا جا رہا ہے تاکہ افراتفری پھیلے، افغان اور بھارتی اکاؤنٹس بھی ساتھ مل کر بیانیے کو ہوا دے رہے ہیں، تصدیق ہوتی ہے کہ یہ ایک منظم اور غیر ملکی سرپرستی میں چلایا جانے والا پروپیگنڈا ہے۔
