کراچی: جی ٹی وی نیوز کے مینیجنگ ڈائریکٹر سید نثار مہدی نے کراچی میں چین کے قائم مقام قونصل جنرل مسٹر فینگ دہینگ (Feng Deheng) سے ملاقات کی، جس میں پاکستان اور چین کے دیرینہ دوستانہ تعلقات اور باہمی تعاون کو مزید فروغ دینے پر تبادلۂ خیال کیا گیا۔
پاک چین سفارتی تعلقات کے 75 سال مکمل ہونے کے موقع پر ہونے والی ملاقات میں دونوں ممالک کے درمیان تاریخی دوستی اور مختلف شعبوں میں تعاون کی اہمیت اجاگر کی گئی۔
اس موقع پر سید نثار مہدی نے پاک چین دوستی کے فروغ میں کردار ادا کرنے پر چینی قائم مقام قونصل جنرل کو اعزازی شیلڈ پیش کی۔
ملاقات میں پاکستان اور چین کے درمیان دیرینہ تعلقات کو مزید مضبوط بنانے اور باہمی روابط کے فروغ کی اہمیت پر زور دیا گیا۔
