سابق ڈپٹی اٹارنی جنرل اور سپریم کورٹ کے وکیل عثمان عارف ایڈووکیٹ حادثے میں جاں بحق ہوگئے، ان کے انتقال پر وکلا برادری میں گہرے رنج و غم کا اظہار کیا جا رہا ہے۔
عثمان عارف سپریم کورٹ کے ریٹائرڈ جج محمد عارف کے صاحبزادے تھے۔ وہ طویل عرصے سے پاکستان کالج آف لاء میں قانون کے طلبہ کو بھی پڑھا رہے تھے۔
ان کے انتقال کی خبر پر وکلا برادری کی جانب سے افسوس کا اظہار کیا گیا ہے۔ عثمان عارف کی نمازِ جنازہ کے وقت اور مقام کا اعلان بعد میں کیا جائے گا۔
