خیبر پختونخوا میں گورنر راج کے نفاذ کے بعد پشاور میں امن و امان کی صورتحال بہتر بنانے کے لیے پولیس کی گشت اور سیکیورٹی اقدامات مزید سخت کر دیئے گئے ہیں۔
پشاور میں شہریوں کے جان و مال کے تحفظ اور امن و امان کی فضا برقرار رکھنے کے لیے خیبر پختونخوا میں گورنر راج لگنے کے بعد پولیس مکمل طور پر متحرک ہو گئی ہے۔
پولیس انتظامیہ کی جانب سے شہر بھر میں گشت اور سیکیورٹی نگرانی کا نظام مزید بڑھا دیا گیا ہے۔ پشاور کی تمام اہم شاہراہوں کے ساتھ ساتھ شہر کے داخلی و خارجی راستوں پر بھی ناکہ بندیاں قائم کر دی گئی ہیں، جہاں آنے جانے والی گاڑیوں اور مشکوک افراد کی کڑی نگرانی کی جا رہی ہے۔
پولیس حکام کا کہنا ہے کہ ان اقدامات کا بنیادی مقصد پشاور میں امن کی صورتحال کو یقینی بنانا، شہریوں کو تحفظ کا احساس دلانا اور کسی بھی ناخوشگوار واقعے سے نمٹنے کے لیے مشکوک سرگرمیوں کی بروقت نشاندہی کرنا ہے۔
