بیرسٹر گوہر کا کہنا ہے کہ ہمارے دفاتر گرائے گئے اور مینڈیٹ چھینا گیا، دہشتگردی کا بہانہ بنا کر گورنر راج نافذ کرنا سراسر زیادتی ہے۔
پشاور ہائی کورٹ میں وزیراعلیٰ خیبرپختونخوا سہیل آفریدی اور اسپیکر بابر سلیم سواتی سمیت دیگر کی بازیابی سے متعلق کیس کی سماعت کے بعد پی ٹی آئی چیئرمین بیرسٹر گوہر نے میڈیا سے گفتگو کرتے ہوئے کہا کہ دہشتگردی ایک ناسور ہے، جسے ختم ہونا چاہیے اور ان کی جماعت اس معاملے پر ریاست کے ساتھ پرامن انداز میں کھڑی ہے۔
انہوں نے الزام عائد کیا کہ ایک ہی دن میں گورنر راج اور ایمرجنسی نافذ کرکے ان کے 12 ارکان قومی اسمبلی اور 13 ارکان صوبائی اسمبلی کو اٹھایا گیا، دفاتر گرائے گئے اور مینڈیٹ چھینا گیا۔
ان کا کہنا تھا کہ مذاکرات کے نام پر یہ سب کرنا اور دہشتگردی کا بہانہ بنا کر گورنر راج نافذ کرنا سراسر زیادتی ہے، قیادت کو فوری طور پر رہا کیا جائے۔
