ایریا ڈیولپمنٹ سیکریٹریٹ نے پشاور کے نامزد اضلاع میں تمام تقرریوں اور تبادلوں کے لیے وزیراعظم کی منظوری لازمی قرار دے دی ہے۔
پشاور میں ایریا ڈیولپمنٹ سیکریٹریٹ کی جانب سے سیکریٹری تعلیم کو ایک مراسلہ جاری کیا گیا ہے، جس میں محکمہ ابتدائی و ثانوی تعلیم سے کہا گیا ہے کہ نامزد اضلاع کے اندر اساتذہ اور دیگر عملے کے تبادلوں کے لیے اب سختی سے وزیراعظم کی منظوری حاصل کی جائے۔
مراسلے کے مطابق ان علاقوں میں تبادلوں اور تعیناتیوں کے عمل کو شفاف بنانے کے لیے متعلقہ ایڈمنسٹریٹر کی سفارش کو بھی لازمی قرار دیا گیا ہے۔
ایریا ڈیولپمنٹ سیکریٹریٹ نے ہدایت دی ہے کہ وزیراعظم کی منظوری اور ایڈیشنل چیف سیکریٹری کی سفارشات کو باقاعدہ طور پر محکمہ تعلیم کو فراہم کیا جائے۔
اس کے ساتھ ہی ڈائریکٹوریٹ ایجوکیشن کے 15 اکتوبر کے تمام تر تبادلوں کے احکامات کو بھی اس نئی منظوری سے مشروط کر دیا گیا ہے۔
مراسلے میں مزید واضح کیا گیا ہے کہ نامزد اضلاع میں آئندہ تمام تعیناتیاں اور تبادلے صرف وزیراعظم کی پیشگی منظوری کے بعد ہی ہو سکیں گے، جس کے لیے کابینہ ڈویژن کے 11 اکتوبر کے اعلامیے کا حوالہ دیا گیا ہے۔
