پاکستان اور سری لنکا کی ٹی ٹوئنٹی سیریز کے لیے قومی اسکواڈ نے راولپنڈی کرکٹ اسٹیڈیم میں ٹریننگ کا آغاز کر دیا۔
ٹی ٹوئنٹی سیریز کے لیے پاکستان اور سری لنکا کی ٹیموں کے کھلاڑیوں نے راولپنڈی کرکٹ اسٹیڈیم میں بھرپور ٹریننگ سیشن میں حصہ لیا، جہاں پاکستانی کھلاڑیوں نے کوچز کے زیر نگرانی مشق کی۔
ہیڈ کوچ مائیک ہیسن نے کھلاڑیوں کو سیشن شروع ہونے سے پہلے تفصیلی ٹریننگ پلان دیئے، جن کے مطابق کھلاڑیوں نے پریکٹس کی۔
ٹیم کے باؤلنگ کوچ شان ٹیٹ نے نیٹ سیشن کے دوران فاسٹ اور اسپن باؤلرز کو مختلف تکنیکی گر سکھائے اور ان کی خامیوں کو دور کرنے پر کام کیا۔
اس کے علاوہ بیٹنگ کوچ مائیک اسمتھ اور فیلڈنگ کوچ منصور امجد نے بھی کھلاڑیوں کے ساتھ طویل مشقیں کیں تاکہ میدان میں بہترین کارکردگی کو یقینی بنایا جا سکے۔
پاکستان اور سری لنکا کی اس سنسنی خیز سیریز کا پہلا میچ 9 اکتوبر کو کھیلا جائے گا، جس کے لیے شائقینِ کرکٹ بے صبری سے انتظار کر رہے ہیں۔
