وائٹ ہاؤس کے ایک عہدیدار نے کہا ہے کہ صدر ڈونلڈ ٹرمپ ایران کو سابق امریکی صدور کی طرح اپنے آپ کو کنٹرول یا ہیر پھیر کرنے کا موقع نہیں دیں گے۔
وائٹ ہاؤس کے ایک اعلیٰ عہدیدار نے میڈیا کو بتایا ہے کہ امریکی صدر ڈونلڈ ٹرمپ ایرانی حکومت کو اس بات کی ہرگز اجازت نہیں دیں گے کہ وہ انہیں اس طرح قابو کرے یا ان کے ساتھ ہیر پھیر کرے، جیسے سابق امریکی صدور کے ساتھ کیا تھا۔
عہدیدار نے کہا کہ صدر ٹرمپ اس بات پر مطمئن ہیں کہ وہ ایران کے ناگزیر زوال کو اپنے راستے پر چلنے دیں۔ واشنگٹن اس وقت انتہائی مضبوط پوزیشن میں ہے کیونکہ وہ آبنائے ہرمز کو کنٹرول کر رہا ہے اور ایران کی معیشت تیزی سے زوال پذیر ہے۔
وائٹ ہاؤس کے عہدیدار کا کہنا تھا کہ آبنائے ہرمز مکمل طور پر کھلی ہوئی ہے، تمام سمندری بارودی سرنگیں ہٹا یا ناکارہ بنا دی گئی ہیں اور روزانہ کی بنیاد پر لاکھوں بیرل تیل اس آبی گزرگاہ سے حفاظت کے ساتھ باہر نکالا جا رہا ہے۔
