ایران کی ایٹمی توانائی تنظیم کے سربراہ کا کہنا ہے کہ ایران یورینیم کی افزودگی کے عمل کو کسی صورت نہیں روکے گا۔
خبر رساں ادارے روئٹرز کے مطابق ایران کی ایٹمی توانائی تنظیم کے سربراہ محمد اسلامی نے روز اعلان کیا ہے کہ اسلامی جمہوریہ ایران یورینیم کی افزودگی کا عمل بند نہیں کرے گا۔
انہوں نے ایرانی ایٹمی تنصیبات سے متعلق امریکی مطالبات کو مسترد کرتے ہوئے کہا کہ یہ کوئی نئی بات نہیں ہے۔ افزودگی ایٹمی عمل کا ایک ایسا بنیادی اور ناگزیر حصہ ہے، جسے الگ نہیں کیا جا سکتا۔
سرکاری میڈیا کے مطابق محمد اسلامی نے مزید کہا کہ یورینیم کی افزودگی ایٹمی عمل کا حصہ ہے اور ہم کسی بھی صورت اس سے دستبردار نہیں ہوں گے۔
انہوں نے سوال اٹھایا کہ اگر آپ کے پاس عمل کا شروعاتی نقطہ ہی موجود نہ ہو تو آپ ایٹمی صنعت رکھنے کا دعویٰ کیسے کر سکتے ہیں؟ ایٹمی صنعت ملک میں سائنس اور ٹیکنالوجی کی پیش رفت کے لیے مرکزی محرک کی حیثیت رکھتی ہے۔
