امریکی وزیر خزانہ کا کہنا ہے کہ ایرانی تیل کی بین الاقوامی نقل و حمل میں مدد دینے والا کوئی بھی عنصر پابندیوں سے محفوظ نہیں رہے گا۔
امریکی وزیر خزانہ اسکاٹ بیسنٹ نے ایران پر مزید پابندیوں پر اپنے بیان میں کہا کہ محکمہ خزانہ ایران کی ظالم حکومت کو اس رقم سے محروم کر رہا ہے، جسے وہ خطے میں جنگ چھیڑنے کے لیے استعمال کرتی ہے۔
ان کا کہنا تھا کہ ہم ان تمام لوگوں کو بے نقاب کرتے رہیں گے، جو ایران کے تیل کی فروخت میں مدد فراہم کرتے ہیں۔ ایرانی پابندیوں سے بچنے میں مدد دینے والا کوئی بھی عنصر امریکی محکمہ خزانہ کے اختیارات کی طاقت سے محفوظ نہیں رہے گا۔
