ایرانی پاسداران انقلاب نے خبردار کیا ہے کہ کوئی بھی غیر ملکی یا خطے سے باہر کی طاقت آبنائے ہرمز اور خلیج فارس میں مداخلت کی جرات نہ کرے۔
ایران کے پاسداران انقلاب کے کمانڈر انچیف جنرل احمد وحیدی نے اپنے ایک سخت بیان میں کہا کہ خطے سے باہر کی کسی بھی طاقت کو آبنائے ہرمز اور خلیج فارس کے امور میں دھمکی دینے، غلبہ برقرار رکھنے یا کسی بھی قسم کی مداخلت کرنے کا کوئی قانونی حق حاصل نہیں۔
انہوں نے واضح کیا کہ ایران اپنی سمندری حدود اور خطے کے دفاع کے لیے مکمل طور پر تیار ہے اور کسی بھی بیرونی جارحیت کا بھرپور جواب دیا جائے گا۔ ان کا کہنا تھا کہ خلیج فارس کے امور کو اس خطے کے ممالک خود بہتر انداز میں چلانے کی صلاحیت رکھتے ہیں۔
