یمن کی مسلح افواج نے چوبیس گھنٹوں کے دوران ڈان آف یمن فوجی آپریشن میں 370 حوثی جنگجوؤں کو ہلاک کرنے کا دعویٰ کیا ہے۔
یمن کی مسلح افواج کا کہنا ہے کہ ملک بھر کے تمام عسکری محاذوں پر حوثی ملیشیا کے خلاف جاری وسیع اور منظم آپریشن ڈان آف یمن کے تحت مزید کامیابیاں حاصل کیں ہیں۔
حکام کے مطابق چوبیس گھنٹوں کے دوران یمنی افواج نے حوثیوں کے عسکری ٹھکانوں اور گاڑیوں کو نشانہ بناتے ہوئے ایک ہزار 326 کامیاب حملے کیے ہیں۔
ترجمان کا کہنا تھا کہ ان کارروائیوں کے نتیجے میں 370 حوثی ملیشیا کے ارکان کو ہلاک جبکہ درجنوں جنگی گاڑیوں اور عسکری وسائل کو مکمل طور پر تباہ یا ناکارہ بنا دیا گیا ہے۔
یمنی عسکری حکام کے مطابق اس آپریشن کا بنیادی مقصد حوثی ملیشیا کی پیش قدمی کو روکنا اور تمام اہم خطوں میں ان کی عسکری قوت کو ختم کرنا ہے۔
