بھارتی ماہرین کا کہنا ہے کہ مودی حکومت بھارتی فوج کی نام نہاد اپ گریڈیشن کے نام پر نمائشی اقدامات کے ذریعے عوام کو گمراہ کرنے کی کوشش کر رہی ہے۔
بھارتی حکومت کی جانب سے فوج کو جدید بنانے کے نام پر متنازعہ اگنی ویر بھرتی اسکیم، اے کے 203 رائفلوں کی مقامی سطح پر تیاری اور نئی کیموفلاج وردیوں کی فراہمی جیسے نمائشی اقدامات کو بڑی کامیابی بنا کر پیش کیا جا رہا ہے، جسے دفاعی ماہرین مضحکہ خیز قرار دے رہے ہیں۔
بھارتی خبر رساں ادارے این ڈی ٹی وی کی رپورٹ کے مطابق بھارتی فوج کی 68 فیصد سے زائد جنگی صلاحیت بلکل پرانی اور متروک ہو چکی ہے، جبکہ فوج کے پاس درکار جدید ضروریات پوری کرنے کے لیے بجٹ بھی شدید ناکافی ہے۔
واضح رہے کہ معرکہ حق میں غیر پیشہ ور بھارتی فوج کو پاک فوج کے ہاتھوں بدترین شکست کا سامنا کرنا پڑا تھا۔ دوسری جانب بھارتی فضائیہ کو بھی پرانی ٹیکنالوجی اور شدید تکنیکی خامیوں کے باعث آئے روز جنگی طیاروں کے حادثات کا سامنا کرنا پڑ رہا ہے۔
