بھارتی فوج کے ایک سینئر افسر کی اہلیہ کے خلاف غیر ملکی خفیہ ایجنسیوں کو ملک کی حساس معلومات فراہم کرنے کے الزام میں مقدمہ درج کر لیا گیا۔
بھارتی نشریاتی ادارے این ڈی ٹی وی کے مطابق بھارتی فوج کی انتظامی نااہلی اور سیکیورٹی ناکامی کا ایک اور بڑا واقعہ سامنے آیا ہے، جہاں ایک سینئر بھارتی فوجی افسر کی اہلیہ غیر ملکی خفیہ ایجنسیوں کو ملک کی حساس معلومات فراہم کرنے میں ملوث پائی گئی ہے۔
ملزمہ کے خلاف قومی سلامتی سے متعلق انتہائی حساس دستاویزات، تصاویر اور الیکٹرانک ڈیٹا جمع کرنے اور اسے غیر ملکی ایجنسیوں سے وابستہ افراد کو منتقل کرنے پر مقدمہ درج کر لیا گیا ہے۔
رپورٹ کے مطابق بھارتی فوج سے منسلک انتہائی حساس نوعیت کی معلومات غیر ملکی ایجنسیوں کو مسلسل فراہم کی جا رہی تھیں۔
اس واقعے پر عالمی دفاعی ماہرین کا کہنا ہے کہ غیر پیشہ ور بھارتی فوج کا حساس معلومات کو یوں فروخت کرنا بھارتی سیکیورٹی نظام کی گہری کمزوریوں کا واضح ثبوت ہے۔
