امریکی وزیرِ خارجہ نے پاکستان کے ساتھ سفارتی تعلقات کا دفاع کرتے ہوئے کہا ہے کہ ایٹمی ملک پاکستان سے امریکہ کو لازمی تعلقات قائم رکھنے ہیں، کیونکہ وہ جغرافیائی لحاظ سے انتہائی اہم جگہ پر واقع ہے۔
امریکی وزیرِ خارجہ مارکو روبیو نے ایک بھارتی میڈیا نیٹ ورک کو انٹرویو دیتے ہوئے پاکستان کے ساتھ واشنگٹن کے تعلقات کی اہمیت کا واضح الفاظ میں دفاع کیا ہے۔
انہوں نے کہا کہ ہر ملک کے ساتھ یکساں نظریات ہونا ضروری نہیں، بلکہ کچھ اختلافات کے باوجود ریاستوں سے رابطے قائم رکھنا عالمی سفارت کاری کی ضرورت ہوتی ہے۔
انہوں نے پاکستان کا ذکر کرتے ہوئے کہا کہ یہ ایک ایسا ملک ہے، جس کے ساتھ امریکہ کو لازمی تعلقات قائم رکھنے ہیں، کیونکہ وہ ایک ایٹمی صلاحیت رکھنے والی ریاست ہے اور جغرافیائی لحاظ سے بھی انتہائی اہم جگہ پر واقع ہے۔
مارکو روبیو نے بھارتی حکومت کی مثال دیتے ہوئے کہا کہ جیسے بھارت کو ایران سے تعلقات رکھنے کی ضرورت ہے وہ ایرانی رہنماؤں سے ملاقات بھی کرتی ہے، اسی طرح امریکا کو پاکستان سے تعلقات کی ضرورت ہے۔
انہوں نے مزید کہا کہ اگر واشنگٹن کے اسلام آباد سے اچھے اور براہِ راست رابطے ہوں گے تو امریکہ ایسی پوزیشن میں ہو گا کہ وہ ان خدشات اور خدشات کو دور کر سکے جن پر بھارت کو تشویش رہتی ہے۔
