امریکی صدر ڈونلڈ ٹرمپ کا کہنا ہے کہ اس وقت ایران کے ساتھ کوئی بات چیت نہیں ہو رہی اور یہ تنازعہ بہت جلد کسی نہ کسی انجام تک پہنچ جائے گا۔
امریکی صدر ڈونلڈ ٹرمپ نے جوائنٹ بیس اینڈریوز پر صحافیوں سے گفتگو کرتے ہوئے کہا کہ امریکہ ایران کے خلاف عسکری اور مالی لحاظ سے بہت بہتر پوزیشن میں ہے، انہوں نے اس جنگ کو ایران کے خلاف ایک چھوٹا تنازعہ قرار دیا۔
جب ان سے پوچھا گیا کہ کیا انہوں نے ایرانیوں کے ساتھ مذاکرات کرنے کا ارادہ چھوڑ دیا ہے تو صدر ٹرمپ نے جواب دیا کہ نہیں، میرا خیال ہے کہ ہم بات چیت نہیں کر رہے بلکہ ہمارے پاس کسی نہ کسی طرح کوئی حل آ جائے گا اور یہ بہت جلد ہو جائے گا۔
انہوں نے مزید کہا کہ زیادہ تر لوگ یہی سوچتے ہیں کہ یہ سب انتخابات کے بعد ہوگا اور ہم دیکھیں گے کہ کیا ہوتا ہے، ان کا اشارہ آنے والے امریکی وسط مدتی انتخابات کی طرف تھا۔ صدر ٹرمپ نے اس بات کا اعادہ کیا کہ ہم نے ایران کے ساتھ جو کچھ کیا ہے وہ انتہائی حیرت انگیز اور شاندار ہے۔
