چین کے تبت ریجن میں زلزلے نے تباہی مچا دی، جس کے نتیجے میں 16 افراد جاں بحق اور درجنوں زخمی ہو گئے ہیں۔ سیکڑوں مکانات منہدم ہو گئے، جس کے بعد ریلوے سروس معطل کر دی گئی۔
چین کے تبت ریجن میں زلزلے کے شدید جھٹکے محسوس کیے گئے، جس کے نتیجے میں 16 افراد ہلاک اور درجنوں زخمی ہو گئے ہیں۔
سرکاری خبر رساں ایجنسی کے مطابق زلزلے کا مرکز تبت کے شہر نگچو کے شمال مشرق میں 183 کلومیٹر کے فاصلے پر تھا، جبکہ امریکی جیولوجیکل سروے نے بھی اس کی تصدیق کی ہے۔
زلزلے کے باعث 339 مکانات منہدم ہو گئے، امدادی ٹیموں کو متاثرہ مرکز کی طرف روانہ کر دیا گیا ہے۔ ریلوے حکام نے متاثرہ علاقوں سے گزرنے والی ٹرین سروس کو معطل کر دیا ہے۔
چین میں طاقتور زلزلے کوئی انہونی بات نہیں، خاص طور پر ملک کے جنوب مغربی حصوں میں جہاں یوریشین ٹیکٹونک پلیٹ ہندوستانی پلیٹ سے ملتی ہے، جس کے نتیجے میں ہمالیہ اور وسیع تبتی سطح مرتفع وجود میں آئے ہیں۔
