انٹرنیشنل انرجی ایجنسی نے خبردار کیا ہے کہ توانائی اب ایک جغرافیائی سیاسی ہتھیار بنتی جا رہی ہے، جس سے یورپ کو اس موسم سرما میں مشکلات کا سامنا ہو سکتا ہے۔
انٹرنیشنل انرجی ایجنسی (ای آئی اے) کے ایگزیکٹو ڈائریکٹر ڈاکٹر فاتح بیرول نے کہا ہے کہ دنیا بھر میں توانائی اب محض ایک معاشی شے نہیں بلکہ ایک جیو پولیٹیکل ہتھیار کی شکل اختیار کرتی جا رہی ہے۔
انہوں نے کہا کہ یورپ کو اس موسم سرما میں گیس کی بلند قیمتوں کا سامنا کرنا پڑ سکتا ہے اور انہوں نے حکومتوں کو تنقید کا نشانہ بنایا کہ وہ توانائی کی سپلائی کو متنوع بنانے میں ناکام رہی ہیں۔
مشرق وسطیٰ کی صورتحال کے حوالے سے ان کا کہنا تھا کہ وہ امید کرتے ہیں کہ حالات موجودہ صورتحال سے بہتر ہوں گے۔
انہوں نے واضح کیا کہ اگر امریکہ اور ایران کے درمیان جنگ بندی برقرار نہیں رہتی تو وہ جنگ شروع ہونے سے پہلے والی پوزیشن پر واپس جانے کا کوئی بھی قابل اعتبار راستہ نہیں دیکھتے۔
