امریکہ اور ایران کے درمیان بڑھتی ہوئی کشیدگی اور ممکنہ جنگ کی تیاریوں کے پیش نظر امریکی فوج کی سینٹرل کمانڈ کے سربراہ ایڈمرل بریڈ کوپر نے اسرائیل کا اہم دورہ کیا۔
امریکی فوج کی سینٹرل کمانڈ کے سربراہ ایڈمرل بریڈ کوپر نے ایران کے خلاف جنگ کے ممکنہ آغاز سے متعلق امریکی تیاریوں کی رپورٹس کے درمیان اعلیٰ فوجی حکام سے ملاقات کے لیے اسرائیل کا دورہ کیا ہے۔
چینل 12 کے مطابق کوپر نے تل ابیب پہنچنے کے بعد اسرائیل کے چیف آف اسٹاف ایال ضمیر اور دیگر فوجی حکام سے ملاقات کی ہے۔
اس دورے کو دونوں ممالک کے درمیان سیکیورٹی اور فوجی تعاون کو مضبوط بنانے کے لیے ایڈمرل کوپر کے معمول کے دوروں کا حصہ قرار دیا گیا ہے۔ یہ دورہ ممکنہ پیش رفت سے پہلے باہمی تعاون کو مزید بڑھانے کا کام بھی کر سکتا ہے۔






