سینٹکام کا کہنا ہے کہ آبنائے ہرمز میں بحری جہازوں کے سمندری بارودی سرنگوں سے ٹکرانے کے ایرانی دعوے غلط اور جھوٹے ہیں۔
امریکی سینٹرل کمانڈ نے ایکس پر جاری کردہ بیان میں واضح کیا ہے کہ حالیہ دنوں اور ہفتوں میں ایران کے زیر کنٹرول میڈیا میں ایسی ایرانی رپورٹس شائع کی گئیں، جن میں دعویٰ کیا گیا تھا کہ تجارتی جہاز آبنائے ہرمز سے گزرتے ہوئے سمندری بارودی سرنگوں سے ٹکرا رہے ہیں۔
امریکی سینٹکام نے ان دعوؤں کو یکسر رد کرتے ہوئے کہا کہ یہ تمام دعوے بلکل غلط ہیں۔ سینٹکام نے مزید کہا کہ آبنائے ہرمز کے تمام عالمی سطح پر تسلیم شدہ بنیادی بحری راستوں سے امریکی افواج نے سمندری بارودی سرنگیں صاف کر دی ہیں اور وہ راستے اب بھی بلکل صاف ہیں۔
سینٹکام کا کہنا تھا کہ ہزاروں تجارتی بحری جہاز ان راستوں کا محفوظ طریقے سے استعمال کر چکے ہیں اور آج بھی ان کی آمدورفت جاری ہے۔
