اسرائیلی وزیر اعظم نیتن یاہو کا کہنا ہے کہ ایران پہلے سے کہیں زیادہ کمزور ہے لیکن جب تک اس کی حکومت قائم ہے، خطرہ موجود رہے گا۔
لیکود پارٹی کے ہیڈکوارٹر میں حامیوں سے خطاب کرتے ہوئے اسرائیلی وزیر اعظم نیتن یاہو نے کہا کہ اسرائیل نے ایران کی حکومت سے متعلق انفراسٹرکچر کو نشانہ بنایا ہے اور اس چیز کو کمزور کیا ہے، جسے وہ اسرائیل کے لیے ایک وجودی خطرہ قرار دیتے ہیں۔
نیتن یاہو کا کہنا تھا کہ ایران اب پہلے سے کہیں زیادہ کمزور ہے اور اسرائیل پہلے سے کہیں زیادہ مضبوط ہے۔ تاہم انہوں نے کہا کہ جب تک وہاں کی حکومت موجود ہے یہ معاملہ ختم نہیں ہوا ہے۔
انہوں نے مزید کہا کہ وہ اپنے شاندار دوست صدر ڈونلڈ ٹرمپ کے ساتھ مل کر اس خطرے کو ہمیشہ کے لیے ختم کرنے کے لیے کام کریں گے۔
انہوں نے کہا کہ اسرائیل کے سامنے ایران کا وجودی خطرہ ہمیشہ کے لیے ختم کرنے کا ایک بے مثال اور منفرد موقع ہے۔
