ایرانی افواج نے بندر عباس کے ساحلی شہر کے اوپر ایک امریکی ساختہ لوکاس ڈرون کو مار گرایا ہے۔
ایران کی فوج نے ملک کے جنوبی ساحلی شہر بندر عباس کی فضاؤں میں ایک غیر ملکی ڈرون کو کامیابی سے نشانہ بنا کر مار گرایا ہے۔ ایرانی نیم سرکاری خبر رساں ایجنسی تسنیم کے مطابق تباہ کیا جانے والا یہ ڈرون امریکی ساختہ لوکاس ڈرون تھا۔
دوسری جانب امریکی صدر ڈونلڈ ٹرمپ نے ایک بیان میں کہا ہے کہ امریکا کل ہی ایران پر حملہ کر سکتا ہے یا پھر اس کے ساتھ کوئی معاہدہ طے پا سکتا ہے۔
امریکی اخبار وال اسٹریٹ جرنل نے رپورٹ کیا ہے کہ امریکی بحری بیڑے پر موجود تمام جنگی طیاروں کو الرٹ کر کے ممکنہ کارروائی کے لیے تیار کیا جا رہا ہے۔
