ایرانی پاسداران انقلاب نے آبنائے ہرمز کی مشرق کی فضائی حدود میں ایک امریکی ساختہ ایم کیو ون ڈرون مار گرانے کا دعویٰ کیا ہے۔
ایران کے سرکاری خبر رساں ادارے آئی آر این اے کی رپورٹ کے مطابق پاسداران انقلاب نے دعویٰ کیا ہے کہ انہوں نے آبنائے ہرمز کے مشرق میں فضائی حدود میں ایک ڈرون کو کامیابی کے ساتھ نشانہ بنا کر گرا دیا ہے۔ یہ ڈرون سرلک کے ساحل کے قریب سمندر میں گرایا گیا ہے۔
تاہم ایرانی فوجی حکام کی جانب سے فوری طور پر یہ واضح نہیں کیا گیا کہ اس مار گرائے جانے والے ایم کیو ون ڈرون کو کون سا ملک یا ادارہ آپریٹ کر رہا تھا۔
