بشریٰ بی بی، اسد قیصر اور جنید اکبر سمیت معتدد پی ٹی آئی رہنماؤں کی ضمانت قبل از گرفتاری کی درخواستیں خارج

انسداد دہشت گردی عدالت اسلام آباد نے پی ٹی آئی رہنماؤں بشریٰ بی بی، لطیف کھوسہ اور اسد قیصر سمیت متعدد افراد کی ضمانت قبل از گرفتاری کی درخواستیں خارج کر دیں۔

اسلام آباد کی انسداد دہشت گردی عدالت میں جج ابوالحسنات محمد ذوالقرنین نے پاکستان تحریک انصاف کی رہنما بشریٰ بی بی اور دیگر رہنماؤں کے خلاف احتجاجی کیسز کی میں ضماعت قبل از گرفتاری کی سماعت کی۔

سماعت کے دوران عدالت نے بشریٰ بی بی کی ضمانت قبل از گرفتاری کی درخواستیں خارج کر دیں۔ اس کے علاوہ پی ٹی آئی رہنماؤں جنید اکبر، لطیف کھوسہ، نعیم حیدر پنجوتھا، اسد قیصر، علی زمان، ایمان وسیم، عاطف خان اور فضل محمد کی ضمانت کی درخواستیں بھی خارج کر دی گئیں۔

عدالت میں پی ٹی آئی رہنماؤں کی کل 250 ضمانت کی درخواستوں پر سماعت طے تھی۔ تاہم انسداد دہشت گردی عدالت نے کیس میں پیش ہونے والے ملزمان کی ضمانتوں میں 11 فروری تک توسیع کا حکم دے دیا ہے۔