اسرائیلی وزیر دفاع نے انتخابات سے قبل ایران کے خلاف فوجی کارروائی کی منصوبہ بندی کی رپورٹس پر سختی سے تردید کرتے ہوئے مسترد کردیا
اسرائیلی وزیر دفاع اسرائیل کاٹز نے ایک میڈیا رپورٹ کو مکمل طور پر بے بنیاد اور جھوٹا قرار دیا ہے، جس میں دعویٰ کیا گیا تھا کہ اسرائیلی وزیراعظم بنیامین نیتن یاہو اور فوجی سربراہ ایال ضمیر کے درمیان ایران سے متعلق شدید اختلافات پیدا ہو گئے ہیں۔
انہوں نے سوشل میڈیا پر اپنے پیغام میں واضح کیا کہ اسرائیلی سیاسی قیادت اور فوج کے درمیان ایران کے معاملے پر کسی قسم کا کوئی اختلاف موجود نہیں ہے۔
وزیر دفاع نے کہا کہ اسرائیل کا انتخابات سے قبل ایران پر کسی قسم کے حملے کی شروعات کرنے کا کوئی ارادہ نہیں تھا اور نہ ہی کوئی ایسی اسکیم تیار کی گئی تھی۔ تاہم انہوں نے یہ تنبیہ بھی کی کہ اگر ایران کی جانب سے اسرائیل پر کوئی حملہ کیا جاتا ہے تو اس کا انتہائی سخت طاقت کے ساتھ جواب دیا جائے گا۔
انہوں نے ذرائع ابلاغ میں گردش کرنے والی ان خبروں کو محض شوشہ قرار دیا ہے اور کہا ہے کہ اسرائیلی حکومت اور عسکری ادارہ اپنے دفاعی مقاصد پر مکمل طور پر متفق ہیں۔
