محسن رضائی نے کہا ہے کہ اگر تہران کی سات شرائط پوری کر دی جائیں تو سفارت کاری کے دروازے اب بھی کھلے ہیں، ورنہ کسی بھی حملے کا بھرپور اور تباہ کن جواب دیا جائے گا۔
ایران کی سپریم نیشنل سیکیورٹی کونسل کے سیکریٹری محسن رضائی نے سوشل میڈیا پر اپنے ایک بیان میں کہا کہ ایران نے بارہا واضح کیا ہے کہ اس کی بتائی گئی سات شرائط کو پورا کیا جانا لازمی ہے۔ اگر یہ شرائط مان لی جاتی ہیں تو سفارتی مذاکرات کا راستہ کھلا ہے۔
تاہم انہوں نے انتباہ کیا کہ اگر ملک کے خلاف کوئی بھی فوجی کارروائی کی گئی تو ایرانی مسلح افواج سپریم لیڈر کی ہدایات کے مطابق حملہ آوروں کو جدید ترین ہتھیاروں کے ذریعے تباہ کن جواب دیں گے۔
یہ بیان ایرانی سپریم لیڈر مجتبیٰ خامنہ ای کی جانب سے مسلح افواج کو دی گئی اس ہدایت کے بعد سامنے آیا ہے، جس میں انہوں نے فوج کو بغیر کسی جغرافیایی پابندی کے ہر قسم کے خطرات سے نمٹنے کے لیے مکمل طور پر تیار رہنے کا حکم دیا تھا۔
ادھر امریکی وزیر خارجہ مارکو روبیو نے بھی تصدیق کی ہے کہ صدر ڈونلڈ ٹرمپ نے تہران پر حملے دوبارہ شروع کرنے سے متعلق ابھی تک کوئی حتمی فیصلہ نہیں کیا اور وہ تنازع کا سفارتی حل تلاش کرنے کو ترجیح دیتے ہیں۔
