دوحہ (جی ٹی وی نیوز اردو): امریکا اور ایران کے درمیان معاہدہ نہ ہونے سے متعلق سامنے آنے والی خبر کو قطری میڈیا آفس نے غلط قرار دے دیا ہے۔
قطری میڈیا آفس کے مطابق وزیراعظم کے بیان کو توڑ مروڑ کر پیش کیا گیا، جبکہ دونوں فریق اب بھی معاہدے کے لیے کام کررہے ہیں۔
قطری میڈیا آفس نے وضاحت میں کہا کہ امریکا اور ایران کے درمیان مذاکرات اور معاہدے کی کوششیں جاری ہیں۔
بیان کے مطابق قطری ثالث دونوں ممالک کے ساتھ مسلسل رابطے میں ہیں اور سفارتی عمل کو آگے بڑھانے کے لیے کام کررہے ہیں۔
یہ وضاحت قطری وزیراعظم کے بیان کے بعد سامنے آئی، جس کے حوالے سے امریکا اور ایران کے درمیان معاہدے کی کوششیں ناکام ہونے کی خبریں سامنے آئی تھیں۔
قطری میڈیا آفس نے ان خبروں کی تردید کرتے ہوئے واضح کیا کہ وزیراعظم کے بیان کا درست مفہوم پیش نہیں کیا گیا۔
دفتر کے مطابق دونوں فریقین کے درمیان کسی معاہدے تک پہنچنے کے لیے کوششیں بدستور جاری ہیں۔
قطر امریکا اور ایران کے درمیان رابطوں اور سفارتی کوششوں میں ثالثی کا کردار ادا کررہا ہے۔
قطری میڈیا آفس کے تازہ بیان سے واضح کیا گیا ہے کہ مذاکراتی عمل ختم نہیں ہوا اور فریقین کے درمیان رابطے برقرار ہیں۔
