تازہ ترین
اسٹیٹ بینک نے قرضوں کے نئے قواعد جاری کردیےسیکیورٹی فورسز کی خیبرپختونخوا میں خفیہ اطلاعات پر کارروائیاں، 22 دہشت گرد ہلاکعالمی امن کیلئے دیرینہ تنازعات کا اقوام متحدہ کی قراردادوں کے مطابق حل ضروری ہے، خواجہ آصفبلوچستان کے 18 نوجوان انجینئرز کی ارجنٹائن اور زیمبیا میں تربیت مکمل، وزیر اعلیٰ سے ملاقاتفیلڈ مارشل سید عاصم منیر کا تربت کا دورہ، سیکیورٹی صورتحال پر بریفنگکیا آپ کا دل بھی کمزور ہورہا ہے؟ جسم کی ان 7 علامات پر لازمی نظر رکھیں!ایرانی بارڈر گارڈز نے افغانستان سے منشیات اور اسلحہ اسمگلنگ کی کوشش ناکام بنا دیٹرمپ کے انکار پر کواڈ سربراہی اجلاس بھارت کے بجائے فلپائن منتقل، مودی امریکی صدر سے ملاقات میں ناکاماسٹیٹ بینک نے قرضوں کے نئے قواعد جاری کردیےسیکیورٹی فورسز کی خیبرپختونخوا میں خفیہ اطلاعات پر کارروائیاں، 22 دہشت گرد ہلاکعالمی امن کیلئے دیرینہ تنازعات کا اقوام متحدہ کی قراردادوں کے مطابق حل ضروری ہے، خواجہ آصفبلوچستان کے 18 نوجوان انجینئرز کی ارجنٹائن اور زیمبیا میں تربیت مکمل، وزیر اعلیٰ سے ملاقاتفیلڈ مارشل سید عاصم منیر کا تربت کا دورہ، سیکیورٹی صورتحال پر بریفنگکیا آپ کا دل بھی کمزور ہورہا ہے؟ جسم کی ان 7 علامات پر لازمی نظر رکھیں!ایرانی بارڈر گارڈز نے افغانستان سے منشیات اور اسلحہ اسمگلنگ کی کوشش ناکام بنا دیٹرمپ کے انکار پر کواڈ سربراہی اجلاس بھارت کے بجائے فلپائن منتقل، مودی امریکی صدر سے ملاقات میں ناکام
پاکستان

یو اے ای جانے والے پاکستانی ادویات ساتھ لے جانے سے پہلے اہم ہدایات جان لیں

متحدہ عرب امارات کا سفر کرنے والے پاکستانی مسافروں کے لیے ادویات ساتھ لے جانے سے متعلق اہم ہدایات جاری کردی گئی ہیں۔

بیورو آف امیگریشن اینڈ اوورسیز ایمپلائمنٹ اسلام آباد نے یو اے ای جانے والے مسافروں کو ادویات سے متعلق احتیاطی تدابیر اختیار کرنے کی ہدایت کی ہے۔ ان ہدایات کا مقصد مسافروں کو قانونی مشکلات سے بچانا اور ان کے سفر کو محفوظ بنانا ہے۔

حکام کا کہنا ہے کہ سفر کی تیاری کرتے وقت سب سے پہلے یہ معلوم کرلیں کہ جو دوا آپ استعمال کر رہے ہیں، وہ متحدہ عرب امارات میں قانونی طور پر قابلِ استعمال ہے یا نہیں۔ کسی دوا کا پاکستان میں عام دستیاب ہونا اس بات کی ضمانت نہیں کہ اسے یو اے ای بھی لے جایا جا سکتا ہے۔

ادویات کے لیے ڈاکٹر کا نسخہ ساتھ رکھنا ضروری

جاری کردہ ہدایات کے مطابق مسافروں کو اپنی تجویز کردہ ادویات کے ساتھ ڈاکٹر کا مستند اور سرکاری نسخہ بھی رکھنا چاہیے۔ نسخے میں دوا کا نام اور استعمال سے متعلق معلومات واضح ہونی چاہئیں۔ اس سے حکام کو دوا کے ذاتی اور طبی استعمال کی تصدیق کرنے میں آسانی ہوگی۔

مسافروں کو خاص طور پر نیند لانے والی، ذہنی دباؤ کم کرنے والی اور اعصابی نظام پر اثر انداز ہونے والی ادویات کے بارے میں محتاط رہنے کی ہدایت کی گئی ہے۔ ان میں سے بعض ادویات یو اے ای میں ممنوع یا خصوصی اجازت کے تحت استعمال کی جا سکتی ہیں۔ اس لیے انہیں ڈاکٹر کے نسخے کے بغیر ساتھ لے جانے سے گریز کرنا چاہیے۔

ادویات اصل پیکنگ میں رکھیں

حکام نے ہدایت کی ہے کہ مسافر اپنی ادویات ہمیشہ اصل پیکنگ میں رکھیں۔ اس کے علاوہ صرف اتنی مقدار ساتھ لے جائیں جو ذاتی استعمال کے لیے ضروری ہو۔ غیر ضروری یا زیادہ مقدار میں ادویات لے جانے سے سفر کے دوران پوچھ گچھ یا قانونی مسائل پیدا ہو سکتے ہیں۔

قوانین کی خلاف ورزی پر قید اور جرمانہ ہوسکتا ہے

جاری کردہ ہدایات میں خبردار کیا گیا ہے کہ یو اے ای میں ادویات سے متعلق قوانین کی خلاف ورزی پر سخت کارروائی ہوسکتی ہے۔ فراہم کردہ معلومات کے مطابق بعض خلاف ورزیوں پر 3 ماہ تک قید یا 20 ہزار درہم سے زیادہ جرمانہ عائد کیا جا سکتا ہے۔

اس لیے متحدہ عرب امارات جانے والے پاکستانیوں کو چاہیے کہ ٹکٹ اور دیگر سفری دستاویزات کے ساتھ اپنی ادویات کی قانونی حیثیت بھی پہلے سے چیک کریں۔ خاص طور پر ایسی دوائیں استعمال کرنے والے افراد جن کا تعلق نیند، ذہنی دباؤ یا اعصابی مسائل سے ہو، انہیں متعلقہ حکام سے اجازت اور ضروری دستاویزات کے بارے میں معلومات حاصل کرنی چاہئیں۔