یمن کی سرکاری افواج کا کہنا ہے کہ حوثیوں کے ٹھکانوں اور اسلحہ ڈپو سمیت مختلف کارروائیوں میں 382 حوثی کمانڈروں اور جنگجوؤں کو ہلاک یا زخمی کردیا گیا ہے۔
یمن کی سرکاری افواج کے ترجمان کرنل ماجد النزیلی نے بتایا کہ طوفانِ یمن آپریشن کے دوران گزشتہ 24 گھنٹوں میں حوثی جنگجوؤں کے خلاف ایک ہزار 276 کارروائیاں کرتے ہوئے 382 حوثی کمانڈروں اور جنگجوؤں کو ہلاک یا زخمی کردیا گیا ہے۔
ان کارروائیوں کے دوران 140 فوجی گاڑیاں اور بھاری ہتھیار تباہ یا ناقابل استعمال بنا دی گئیں ہیں، جبکہ کئی اسلحہ ڈپو بھی خاکستر کر دیے گئے۔
ترجمان نے بتایا کہ یہ کارروائیاں تعز، الجوف، مآرب، البیضا اور جنوبی محاذوں پر حوثی کمانڈ سینٹرز اور رسد کی لائنوں کو نشانہ بنانے کے لیے کی گئیں۔ ان حملوں کی وجہ سے حوثیوں کو کمک پہنچانے میں شدید مشکلات کا سامنا کرنا پڑا ہے اور ان کی نقل و حرکت محدود ہو گئی ہے۔
