اسرائیلی پولیس کا کہنا ہے کہ وزیراعظم نیتن یاہو کی جماعت لیکوڈ پارٹی کی جانب سے لگائے گئے انتخابی دھاندلی کے الزامات سے متعلق کوئی ثبوت نہیں مل سکے۔
اسرائیلی روزنامے اسرائیل ہیوم کی ایک رپورٹ کے مطابق اسرائیلی پولیس کو وزیراعظم نیتن یاہو کی پارٹی لیکوڈ کی طرف سے انتخابی دھاندلی کے مطالبات کی تائید میں کوئی ثبوت نہیں مل سکا ہے۔
دوسری جانب مرکزی الیکشن کمیٹی کا کہنا ہے کہ فی الحال ووٹنگ کی شفافیت اور ایمانداری پر تشویش کی کوئی وجہ نظر نہیں آتی۔
اخبار نے نام ظاہر نہ کرنے والے ذرائع کے حوالے سے بتایا کہ الیکشن کمیٹی کا جائزہ لیکوڈ پارٹی کے ان الزامات کے بلکل برعکس ہے، جن میں عرب علاقوں کے پولنگ اسٹیشنوں پر دھاندلی کے دعوے کیے گئے تھے۔
رپورٹ کے مطابق پولیس نے بھی اسی مؤقف کی تائید کی ہے اور واضح کیا ہے کہ ان الزامات کو ثابت کرنے کے لیے کوئی مواد یا ثبوت موجود نہیں ہے۔
