ایرانی اسپیکر نے امریکی وسط مدتی انتخابات کے نتائج پر تبصرہ کرتے ہوئے کہا ہے کہ امریکی عوام نے جنگ کو مسترد کر دیا ہے۔
امریکی وسط مدتی انتخابات میں ڈیموکریٹس کی سینیٹ پر کامیابی اور ایوان نمائندگان میں برتری کے بعد ایران کی پارلیمنٹ کے اسپیکر محمد باقر قالیباف کا ردعمل سامنے آیا ہے۔
انہوں نے سوشل میڈیا پلیٹ فارم ایکس پر اپنی ایک پوسٹ میں لکھا کہ ضمیر کی آواز ہو یا پھر زندگی گزارنے کی لاگت اور مہنگائی، امریکی عوام نے جنگ کو صاف طور پر مسترد کر دیا ہے اور ہم عوام کے اس پیغام کی توثیق کرتے ہیں۔
محمد باقر قالیباف نے امریکی حکومت کو خبردار کرتے ہوئے مزید لکھا کہ اگر امریکی حکومت عالمی آقاؤں اور بلیک میلرز کی خدمت کے لیے اپنے عوام کی خواہشات سے غداری کرے گی، تو اسے معلوم ہونا چاہیے کہ ہمارا انکار ایک خوفناک خواب بن کر سامنے آئے گا۔
