الیکشن کمیشن آف پاکستان کی جانب سے خیبر پختونخوا میں بلدیاتی انتخابات کے انعقاد کے حوالے سے تمام تر جاری اقدامات کو تا حکمِ ثانی روک دیا گیا ہے۔
الیکشن کمیشن کے مطابق وفاقی حکومت نے 4 نومبر 2026 کو آرڈر نمبر 3 جاری کیا تھا، جس کی شق نمبر 2 کے تحت آئین کے آرٹیکل 140 اے کو معطل کر دیا گیا ہے۔
الیکشن کمیشن نے وضاحت کی ہے کہ آرٹیکل 140 اے کی معطلی کا اطلاق صوبے کے دیگر تمام اضلاع پر بھی کر دیا گیا ہے۔
اس صورتحال میں الیکشن کمیشن کی جانب سے آئین کے اس آرٹیکل کی دیگر اضلاع میں معطلی اور اس کے نتیجے میں انتخابی عمل پر مرتب ہونے والے اثرات کا تفصیل سے جائزہ لیا گیا۔
تفصیلی جائزے کے بعد الیکشن کمیشن اس نتیجہ پر پہنچا ہے کہ وفاقی حکومت کے اس حکم نامے کے باعث خیبر پختونخوا میں بلدیاتی انتخابات کا انعقاد فی الوقت ممکن نہیں رہا ہے، جس کے بعد یہ عمل روک دیا گیا ہے۔
