امریکی محکمہ انصاف نے برطانیہ کے آر اے ایف فیئر فورڈ ایئر بیس پر حملہ کرنے کی دہشت گردانہ سازش کے الزام میں 3 ایرانی ایجنٹس پر فردِ جرم عائد کر دی۔
امریکی محکمہ انصاف نے برطانیہ میں واقع امریکی فضائیہ کے استعمال میں رہنے والے آر اے ایف فیئر فورڈ ایئر بیس پر دہشت گردانہ حملے کے منصوبے میں ملوث ہونے پر 3 افراد کے خلاف مقدمات قائم کر دیئے ہیں۔
امریکی حکام کی جانب سے ان تمام افراد کو ایرانی آپریٹیو قرار دیا گیا ہے۔ جن ملزمان پر فردِ جرم عائد کی گئی ہے ان کے نام محمد باقر سعد داؤد ال ساعدی، محسن مہاجری اور محمد علی ال حسانی ہیں۔
یہ تمام الزامات ستمبر کے مہینے میں فیئر فورڈ کے ہوائی اڈے پر پیش آنے والے ایک واقعے کے بعد سامنے آئے ہیں۔ اس ہوائی اڈے کو امریکی فوج ایران کے خلاف کی جانے والی مختلف عسکری کارروائیوں اور آپریشنز کے لیے استعمال کرتی رہی ہے۔
دادرسوں اور پراسیکیوٹرز نے منگل کو عدالت کو بتایا کہ عراق سے تعلق رکھنے والے ملزم محمد باقر سعد داؤد ال ساعدی نے نیویارک کی جیل میں قید کے دوران اپنے گھر والوں کو فون کالز کیں۔
ان فون کالز کے ذریعے اس نے خفیہ اور کوڈڈ پیغامات ایران کی حمایت یافتہ دیگر 2 آپریٹیو تک پہنچانے کی کوشش کی تھی۔ حکام نے اس سازش کو بے نقاب کرتے ہوئے تینوں افراد کے خلاف قانونی کارروائی شروع کر دی ہے۔
