پنجاب کے مستحق خاندانوں کے لیے 10 ہزار روپے کی مالی معاونت حاصل کرنے سے متعلق اہم معلومات سامنے آئی ہیں۔
سوشل میڈیا پر گردش کرنے والی ایک پوسٹ میں دعویٰ کیا گیا ہے کہ وزیراعلیٰ پنجاب مریم نواز شریف کی جانب سے اہل خاندانوں کو 10 ہزار روپے کی مالی امداد فراہم کی جا رہی ہے۔
پوسٹ کے مطابق شہری اس مالی معاونت کے حصول کے لیے آن لائن درخواست جمع کروا سکتے ہیں۔ اس مقصد کے لیے متعلقہ ویب پورٹل، موبائل ایپ یا ہیلپ لائن سے رابطہ کرنے کا طریقہ بتایا گیا ہے۔
10 ہزار روپے کی مالی امداد کے لیے اپلائی کیسے کریں؟
سوشل میڈیا پوسٹ میں دی گئی معلومات کے مطابق مالی معاونت حاصل کرنے کے خواہش مند افراد آن لائن ویب پورٹل کے ذریعے درخواست دے سکتے ہیں۔ اس کے علاوہ گوگل پلے اسٹور سے متعلقہ موبائل ایپ ڈاؤن لوڈ کرکے بھی درخواست جمع کروانے کا طریقہ بتایا گیا ہے۔
پوسٹ میں یہ بھی کہا گیا ہے کہ شہری ہیلپ لائن نمبر 1000 پر کال کرکے معلومات حاصل کرسکتے ہیں اور درخواست کے طریقہ کار کے بارے میں رہنمائی لے سکتے ہیں۔
تاہم درخواست دینے سے پہلے متعلقہ سرکاری ویب سائٹ یا ادارے سے اسکیم کی تفصیلات، اہلیت اور درخواست کے طریقہ کار کی تصدیق ضرور کرلیں۔ کسی غیر مصدقہ لنک پر اپنی ذاتی معلومات، شناختی کارڈ نمبر یا بینک کی تفصیلات فراہم نہ کریں۔
پنجاب سولر پینل اسکیم فیز 2 میں بھی اضافہ
دوسری جانب پنجاب میں سولر پینل اسکیم فیز 2 کے حوالے سے بھی اہم پیش رفت سامنے آئی ہے۔ وزیراعلیٰ مریم نواز شریف نے سوشل میڈیا پر اپنے پیغام میں بتایا تھا کہ اسکیم کے تحت سولر پینل حاصل کرنے والے افراد کی تعداد بڑھانے کا حکم دے دیا گیا ہے۔
ان کے مطابق سولر پینل اسکیم فیز 2 کا ہدف 90 ہزار سے بڑھا کر ایک لاکھ کردیا گیا ہے۔ اس فیصلے کے بعد مزید 10 ہزار افراد کو اسکیم میں شامل کرنے کی گنجائش پیدا ہوگی۔






