تازہ ترین
وفاقی حکومت کا گورنر خیبر پختونخوا کو مزید اختیارات دینے کا فیصلہ، آرڈیننس صدر کو ارسالخیبرپختونخوا سے نکالے جانے والے سونے کا 80 فیصد افغانستان جاتا ہے، اختیار ولی خانکراچی سے کالعدم تنظیم ایس ایل اے کے 2 مبینہ دہشت گرد گرفتار32 سنگین وارداتوں میں مطلوب بدنام زمانہ اشتہاری مجرم انعام عرف نامو وینس ساتھی سمیت مارا گیاسندھ تاریخی اور ناقابل تقسیم وحدت ہے، اس پر کوئی سمجھوتہ نہیں ہوگا، ناصر حسین شاہنئے صوبوں کے قیام کے لیے ریفرنڈم ہوگا، دسمبر کا مہینہ اہم ترین ہے، مصطفیٰ کمالبورے والا میں گھریلو ناچاقی پر خاتون نے 3 بچوں سمیت زہر کھا لیاعالمی مالیاتی فنڈ کا پاکستان پر پیٹرولیم مصنوعات پر دی جانے والی سبسڈی ختم کرنے پر زوروفاقی حکومت کا گورنر خیبر پختونخوا کو مزید اختیارات دینے کا فیصلہ، آرڈیننس صدر کو ارسالخیبرپختونخوا سے نکالے جانے والے سونے کا 80 فیصد افغانستان جاتا ہے، اختیار ولی خانکراچی سے کالعدم تنظیم ایس ایل اے کے 2 مبینہ دہشت گرد گرفتار32 سنگین وارداتوں میں مطلوب بدنام زمانہ اشتہاری مجرم انعام عرف نامو وینس ساتھی سمیت مارا گیاسندھ تاریخی اور ناقابل تقسیم وحدت ہے، اس پر کوئی سمجھوتہ نہیں ہوگا، ناصر حسین شاہنئے صوبوں کے قیام کے لیے ریفرنڈم ہوگا، دسمبر کا مہینہ اہم ترین ہے، مصطفیٰ کمالبورے والا میں گھریلو ناچاقی پر خاتون نے 3 بچوں سمیت زہر کھا لیاعالمی مالیاتی فنڈ کا پاکستان پر پیٹرولیم مصنوعات پر دی جانے والی سبسڈی ختم کرنے پر زور
پاکستان

نئے صوبے عوام کی مرضی اور اتفاق رائے سے بننے چاہئیں، رانا ثنا اللہ نے محسن نقوی کے بیان پر اعتراضات ختم ہونے کا اعلان کردیا

رانا ثنا اللہ پی ٹی آئی

اسلام آباد (جی ٹی وی نیوز): وزیراعظم کے مشیر برائے سیاسی امور رانا ثنا اللہ نے کہا ہے کہ اگر نئے صوبے عوام کی مرضی اور تمام سیاسی جماعتوں کے اتفاق رائے سے بنائے جاتے ہیں تو یہ بہت اچھی بات ہے۔

ان کا کہنا تھا کہ صوبوں کی تشکیل کے معاملے پر کسی سیاسی جماعت کو ناراض نہیں کیا جانا چاہیے اور نہ ہی کسی کو مشاورت سے باہر رکھا جانا چاہیے۔

رانا ثنا اللہ نے نئے صوبوں سے متعلق گفتگو کرتے ہوئے کہا کہ محسن نقوی نے ایک تقریب میں اس معاملے پر بات کرتے ہوئے کچھ ایسی باتیں کی تھیں جن پر انہیں اعتراض ہوا، تاہم انہوں نے اپنے اعتراضات کا جواب بھی دیا تھا۔

’’صوبے اتفاق رائے سے بنیں گے تو کوئی اعتراض نہیں‘‘

رانا ثنا اللہ کا کہنا تھا کہ محسن نقوی نے گزشتہ روز واضح کیا ہے کہ سیاسی جماعتوں کی اپنی اہمیت ہے اور نئے صوبے اتفاق رائے سے بنائے جائیں گے۔ کسی کو ناراض نہیں کیا جائے گا اور نہ ہی کسی کو اس عمل سے باہر رکھا جائے گا۔

انہوں نے کہا کہ اگر عوام نئے صوبے چاہتے ہیں تو بنائے جائیں اور اگر عوام کی خواہش نہیں ہوگی تو صوبے نہیں بننے چاہئیں۔ ان کے مطابق جب تمام سیاسی جماعتوں کو شامل کرکے عوام کی مرضی سے صوبے بنانے کی بات کی جا رہی ہے تو اس پر کوئی اعتراض باقی نہیں رہتا۔

رانا ثنا اللہ نے کہا کہ اتفاق رائے قائم ہونے میں چھ ہفتے، چھ ماہ یا چھ سال لگ جائیں، اس سے کوئی فرق نہیں پڑتا، اصل اہمیت تمام فریقوں کی مشاورت اور عوام کی مرضی کی ہے۔

’’محسن نقوی کی باتوں کی اصل اتھارٹی اسٹیبلشمنٹ ہے‘‘

وزیراعظم کے مشیر نے محسن نقوی کے اختیار سے متعلق بات کرتے ہوئے کہا کہ وہ جو بات کرتے ہیں، اس کی اصل اتھارٹی اسٹیبلشمنٹ ہے، جبکہ ان کی اپنی اتھارٹی وزیراعظم ہیں۔

رانا ثنا اللہ کے مطابق ایک سیاسی قیادت ہے اور ایک عسکری قیادت، دونوں کے درمیان ہم آہنگی موجود ہے۔ انہوں نے کہا کہ اسٹیبلشمنٹ میں عدلیہ اور بیوروکریسی سمیت دیگر ادارے بھی شامل ہوتے ہیں۔

’’دنیا پاکستان کو امن کے پاسبان کے طور پر دیکھ رہی ہے‘‘

رانا ثنا اللہ نے پاکستان کے علاقائی کردار پر بات کرتے ہوئے کہا کہ پاکستان خطے میں سکیورٹی فراہم کرنے والا ملک ہے اور دیگر ممالک بھی معاہدوں کے ذریعے اپنی حفاظت کے انتظامات کر رہے ہیں۔

ان کا کہنا تھا کہ دنیا پاکستان کو امن کے پاسبان کے طور پر دیکھ رہی ہے۔ انہوں نے اس بات کو پاکستان کے علاقائی اور بین الاقوامی کردار کے تناظر میں اہم قرار دیا۔