آئی ایس پی آر کا کہنا ہے کہ سیکیورٹی فورسز کی شمالی وزیرستان میں کارروائیوں کے دوران 16خوارج ہلاک ہو گئے۔
پاک فوج کے شعبہ تعلقات عامہ ( آئی ایس پی آر) کے مطابق سیکیورٹی فورسز کی شمالی وزیرستان میں کارروائیوں کے دوران 16خوارج ہلاک ہو گئے، علی خیل میں 2 افغان باشندوں سمیت 12 خوارجیوں کو ہلاک کردیا گیا۔
آئی ایس پی آر کا کہنا ہے کہ میر علی اور دتہ خیل میں 2،2خوارج کو ہلاک کردیا گیا، ہلاک خوارج سے اسلحہ اور گولہ بارود بھی برآمد ہوا۔
فائرنگ کے تبادلے میں پاک فوج کے 2 جوان شہید ہوئے، شہدا میں حوالدار عصمت علی اور نائیک آفتاب علی شامل ہیں، شہید حوالدار عصمت علی کا تعلق ضلع صوابی اور شہید نائیک آفتاب علی کا تعلق ضلع مردان سے تھا۔
آئی ایس پی آر کا کہنا ہے کہ عزم استحکام کے تحت دہشت گردی کیخلاف کارروائیاں جاری رہیں گی۔
