ذرائع کے مطابق وزیراعظم شہباز شریف 30 نومبر سے 2 دسمبر تک روس کا سرکاری دورہ کریں گے، جس کے بعد وہ ایران بھی جائیں گے۔
ذرائع کے مطابق وزیراعظم شہباز شریف کا دورہ روس اور ایران طے پا گیا ہے، جس کے تحت وہ 30 نومبر سے 2 دسمبر تک روس کا سرکاری دورہ کریں گے۔
وزیراعظم کے ہمراہ ایک بڑا تجارتی وفد بھی ماسکو جائے گا، جہاں وہ مشترکہ بزنس فورم سے خطاب کریں گے اور دورے کے دوران روسی صدر سے ملاقات بھی کریں گے۔
ذرائع کا کہنا ہے کہ پاکستان اور روس کے درمیان مختلف معاہدوں اور مفاہمتی یادداشتوں پر دستخط ہوں گے، جبکہ دورے میں علاقائی امن، سیکیورٹی، معاشی و تجارتی امور زیر غور آئیں گے اور پاکستان اسٹیل ملز کی بحالی سے متعلق امور پر بھی بات چیت متوقع ہے۔ ذرائع کے مطابق وزیراعظم شہباز شریف دورہ روس مکمل کرنے کے بعد ایران جائیں گے۔






