بلاول بھٹو زرداری نے کہا ہے کہ امریکا اور ایران مذاکرات میں پاکستان کا فعال سفارتی کردار جاری ہے، ان مذاکرات کی کامیابی عالمی معیشت کے مفاد میں ہے۔
چیئرمین پیپلز پارٹی بلاول بھٹو زرداری نے ترک ٹی وی کو اپنے دیئے گئے انٹرویو میں کہا کہ امریکا اور ایران مذاکرات میں پاکستان کا فعال سفارتی کردار جاری ہے اور پاکستان خطے میں امن اور مذاکرات کے ذریعے تنازعات کا حل چاہتا ہے۔
ان کا کہنا تھا کہ ایران جنگ کے معاشی اثرات پوری دنیا کو برداشت کرنا پڑ رہے ہیں، امریکا ایران مذاکرات کی کامیابی عالمی معیشت کے مفاد میں ہے۔
افغانستان کی صورتحال پر بات کرتے ہوئے بلاول بھٹو زرداری نے کہا کہ افغانستان سے امریکی انخلا کے بعد جدید اسلحہ دہشت گردوں کے ہاتھ لگا اور افغانستان میں دہشت گرد گروہوں کی موجودگی پاکستان کے لیے بڑا سیکیورٹی چیلنج ہے۔
انہوں نے مزید کہا کہ پاکستان امریکا اور چین کے درمیان پل کا کردار ادا کرتا رہے گا کیونکہ پاکستان عالمی طاقتوں کے درمیان محاذ آرائی کے بجائے تعاون کا حامی ہے۔
علاقائی تعلقات کا ذکر کرتے ہوئے چیئرمین پیپلز پارٹی نے کہا کہ پاکستان، سعودی عرب اور ترکیہ کا دفاعی تعاون علاقائی استحکام کے لیے اہم ہے، جبکہ پاکستان اور ترکیہ دفاعی تعلقات کے ساتھ اقتصادی تعاون بھی بڑھانا چاہتے ہیں۔






