طارق فضل چوہدری نے کہا ہے کہ پیپلز پارٹی گورنر خیبرپختونخوا کے آئینی کردار اور رابطوں کو متنازع نہ بنائے، صوبے سے دہشت گردی کے خاتمے کے لیے گورنر کا مضبوط ہونا ضروری ہے۔
وفاقی وزیر طارق فضل چوہدری نے پیپلز پارٹی کے سیکریٹری اطلاعات کے بیان پر ردعمل دیتے ہوئے کہا ہے کہ پیپلز پارٹی گورنر خیبرپختونخوا کے آئینی کردار اور رابطوں کو متنازع نہ بنائے۔
ان کا کہنا تھا کہ خیبرپختونخوا سے دہشت گردی کے خاتمے کے لیے گورنر کا مضبوط ہونا ضروری ہے اور وفاقی حکومت گورنر کو بااختیار بنا رہی ہے، جبکہ حالیہ آرڈیننسز گورنر کو مزید اختیارات دینے کے حکومتی عزم کا ثبوت ہیں۔
انہوں نے کہا کہ دہشت گردی کے خلاف مؤثر اقدامات اور ترقی کے لیے گورنر کو مکمل حمایت ملنی چاہیے اور گورنر فیصل کریم کنڈی کا وفاق سے ورکنگ ریلیشن آئینی و انتظامی ضرورت ہے۔
طارق فضل چوہدری نے مزید کہا کہ ایمرجنسی اور گورنر راج کا نفاذ ہمارا اور پیپلز پارٹی کا مشترکہ فیصلہ تھا، جس سے خیبرپختونخوا میں امن و ترقی کے نئے دور کا آغاز ہوا ہے۔
ان کا یہ بھی کہنا تھا کہ گورنر و سیکیورٹی ادارے دہشت گردی کے خاتمے کے لیے بھرپور کردار ادا کر رہے ہیں، جبکہ دہشت گردی کے مکمل خاتمے تک صوبے میں ایمرجنسی نافذ رہے گی۔






