مفرور سابق وزیراعظم شیخ حسینہ کی قانونی طریقہ کار کے تحت بھارت سے بھیجوانے کے معاملے پر بھارت اور بنگلہ دیش کے سفارتی تعلقات میں شدید کشیدگی برقرار ہے۔
بنگلہ دیش نے سزایافتہ سابق وزیراعظم شیخ حسینہ کی قانونی طریقہ کار کے تحت واپسی پر بھارت کے سامنے دوٹوک مؤقف اختیار کر لیا ہے۔
بنگلہ دیشی جریدے ڈھاکہ ٹریبیون کے مطابق بنگلہ دیش اپنے ملک میں سزایافتہ سابق وزیراعظم شیخ حسینہ کو قانونی طریقہ کار پر عمل کرتے ہوئے بھارت سے واپس لانا چاہتا ہے۔
اس معاملے پر بنگلہ دیشی وزیر مملکت برائے خارجہ امور ہمایوں کبیر نے بھارت سے مفرور شیخ حسینہ کی واپسی کا واضح اور رسمی مطالبہ کر دیا ہے۔
وزیر مملکت برائے خارجہ امور ہمایوں کبیر نے بتایا کہ مجرم شیخ حسینہ کو بنگلہ دیشی عدالتوں کی جانب سے سنائی گئی سزاؤں پر مکمل عمل درآمد کے لیے بنگلہ دیش واپس لایا جائے گا۔
انہوں نے مزید وضاحت کی کہ شیخ حسینہ بنگلہ دیش سیر و تفریح یا کسی خاندانی دورے کے لیے نہیں بلکہ عدالتوں اور انصاف کا سامنا کرنے اور اپنے جرم کی سزاؤں پر عمل درآمد کی خاطر مطلوب ہیں۔
انہوں نے یہ بھی کہا کہ شیخ حسینہ پاسپورٹ کے حصول کی خاطر درخواست جمع کروا سکتی ہیں لیکن ان کی اس قسم کی کسی بھی کوشش سے بنگلہ دیش کے طے شدہ مؤقف میں کوئی تبدیلی نہیں آئے گی۔
