کراچی (جی ٹی وی نیوز اردو): سندھ حکومت نے عائشہ باوانی گورنمنٹ کالج کراچی کا نام تبدیل کر دیا ہے۔
محکمہ کالج ایجوکیشن سندھ نے اس حوالے سے باضابطہ نوٹیفکیشن جاری کرتے ہوئے کالج کا نیا نام گورنمنٹ ڈگری کالج سندھی مسلم کوآپریٹو ہاؤسنگ سوسائٹی کراچی مقرر کر دیا ہے۔
نوٹیفکیشن کے مطابق کالج کے نام کی تبدیلی کا اطلاق فوری طور پر ہوگا اور یہ فیصلہ آئندہ احکامات تک نافذ العمل رہے گا۔
محکمہ کالج ایجوکیشن سندھ کی جانب سے جاری نوٹیفکیشن سیکریٹری حکومت سندھ ندیم الرحمان میمن کی منظوری سے جاری کیا گیا ہے۔
اس فیصلے کے بعد کراچی میں واقع عائشہ باوانی گورنمنٹ کالج اب سرکاری ریکارڈ اور متعلقہ امور میں اپنے نئے نام گورنمنٹ ڈگری کالج سندھی مسلم کوآپریٹو ہاؤسنگ سوسائٹی کراچی کے تحت شناخت کیا جائے گا۔
