نیٹ فلکس کی مقبول ہارر اور سائنس فکشن سیریز ’اسٹرینجر تھنگز‘ کے مداحوں کے لیے خوشخبری ہے کہ اس کی دنیا پر مبنی ایک نئی سیریز کا اعلان کر دیا گیا ہے۔
غیرملکی میڈیا رپورٹس کے مطابق اس نئی سیریز کا نام ’ادر ورلڈز: دی اسٹرینجر ایڈونچر‘ رکھا گیا ہے۔ نیٹ فلکس نے اس منصوبے کا باضابطہ اعلان 6 نومبر کو ’اسٹرینجر تھنگز ڈے‘ کے موقع پر کیا۔
نئی پیشکش کے ذریعے شائقین کو اسٹرینجر تھنگز کی کہانی کے ایک نئے دور اور اس کے پراسرار کرداروں کے پس منظر کو جاننے کا موقع ملے گا۔
View this post on Instagram
ہینری کریل سے ویکنا بننے کی کہانی دکھائی جائے گی
رپورٹس کے مطابق نئی سیریز کی کہانی 1955 میں امریکی ریاست نیواڈا کے شہر میریون میں پیش آنے والے واقعات کے گرد گھومے گی۔
اس میں ہینری کریل کے ماضی اور اس کی زندگی میں آنے والی پراسرار تبدیلیوں کو موضوع بنایا جائے گا۔ کہانی میں دکھایا جائے گا کہ ہینری کس طرح غیرمعمولی اور پراسرار طاقتیں حاصل کرتا ہے اور بالآخر خوفناک کردار ویکنا میں تبدیل ہو جاتا ہے۔
ویکنا اسٹرینجر تھنگز کے نمایاں اور خوفناک کرداروں میں شمار ہوتا ہے۔ اس کردار کے ماضی اور اس کی طاقتوں کے بارے میں نئی تفصیلات سامنے آنے کی توقع ہے، جو سیریز کے مداحوں کے لیے خاص دلچسپی کا باعث بن سکتی ہیں۔
نئی سیریز 2028 میں نیٹ فلکس پر پیش کی جائے گی
نیٹ فلکس کے اعلان کے مطابق ’ادر ورلڈز: دی اسٹرینجر ایڈونچر‘ 2028 میں اسٹریمنگ پلیٹ فارم پر ریلیز کی جائے گی۔
نئی سیریز کی کہانی کا وقت اور ہینری کریل کے ماضی پر توجہ اسٹرینجر تھنگز کی دنیا کو مزید وسعت دینے کی کوشش ہے۔ تاہم اس کی مکمل کاسٹ، اقساط اور ریلیز کی حتمی تاریخ سے متعلق مزید تفصیلات سامنے آنا باقی ہیں۔
اس اعلان کے بعد اسٹرینجر تھنگز کے شائقین کو 2028 میں ایک نئی پراسرار کہانی دیکھنے کا انتظار رہے گا، جس کا مرکزی محور ویکنا کے خوفناک کردار کی تشکیل اور اس کے ماضی کے واقعات ہوں گے۔
