آزاد جموں و کشمیر کے ضلع باغ میں قانون نافذ کرنے والے اداروں نے کامیاب کلیئرنس آپریشن کرتے ہوئے کوٹھیاں کے مقام پر جاری دھرنا ختم کروا دیا۔
آزاد جموں و کشمیر کے ضلع باغ میں امن و امان کی صورتحال کو برقرار رکھنے کے لیے سیکیورٹی اداروں نے بڑی کامیابی حاصل کی ہے۔
باغ میں قانون نافذ کرنے والے اداروں نے ایک منظم کلیئرنس آپریشن کرتے ہوئے کوٹھیاں کے مقام پر جاری فسادی جتھے کا دھرنا مکمل طور پر ختم کرا دیا ہے۔
اس کامیاب کلیئرنس آپریشن کے نتیجے میں باغ کی تمام اہم شاہراہیں اور مواصلاتی راستے عام ٹریفک اور آمدورفت کے لیے بحال کر دیے گئے ہیں۔
کارروائی کے بعد علاقے میں ٹریفک کی روانی بلکل معمول پر آ گئی ہے، جس کے باعث شہریوں کو درپیش شدید سفری مشکلات اور رکاوٹوں کا خاتمہ ہو گیا ہے۔
اس آپریشن کے دوران قانون اور ریاست کی بالادستی کو یقینی بنانے میں قانون نافذ کرنے والے اداروں کا غیر متزلزل عزم کلیدی رہا۔
دھرنا ختم ہونے کے بعد علاقے میں امن و امان کی مجموعی صورتحال میں واضح بہتری آئی ہے اور عوام نے سکون کا سانس لیا ہے۔
