فوجی فرٹیلائزر کمپنی لمیٹڈ (ایف ایف سی) نے پائیدار ترقی، شفافیت اور بہترین کارپوریٹ رپورٹنگ کے شعبے میں ایک اور اہم اعزاز حاصل کرلیا ہے۔ سی ایف اے سوسائٹی پاکستان نے کمپنی کو کارپوریٹ شعبے میں بہترین ESG رپورٹنگ ایوارڈ 2025 سے نوازا ہے۔
ایوارڈ کی تقریب 2 نومبر 2026 کو کراچی میں منعقد ہوئی، جس میں فوجی فرٹیلائزر کمپنی کی ماحولیاتی تحفظ، سماجی ذمہ داری اور کارپوریٹ گورننس سے متعلق رپورٹنگ کو سراہا گیا۔ کمپنی کو یہ اعزاز ان شعبوں میں شفافیت اور عالمی معیارات کے مطابق معلومات کی فراہمی کی کوششوں کے اعتراف میں دیا گیا۔
کمپنی کے مطابق ایوارڈ کاروباری حکمت عملی اور رپورٹنگ کے نظام میں عالمی ESG اصولوں کو مؤثر انداز میں شامل کرنے کے لیے کی جانے والی مسلسل کوششوں کا اعتراف ہے۔ ESG سے مراد ماحولیاتی، سماجی اور انتظامی امور ہیں، جو کسی ادارے کی پائیدار کاروباری حکمت عملی اور ذمہ دارانہ طرزِ عمل کا جائزہ لینے میں اہم کردار ادا کرتے ہیں۔
فوجی فرٹیلائزر کمپنی نے اس کامیابی کو شفاف کارپوریٹ گورننس، متعلقہ فریقوں کے اعتماد میں اضافے اور پائیدار ترقی کے عالمی معیارات پر عمل درآمد کے عزم کی توثیق قرار دیا ہے۔
کمپنی کے مطابق ESG اصولوں کو کاروباری حکمت عملی اور رپورٹنگ میں شامل کرنے کا مقصد ادارے کی کارکردگی، ذمہ داریوں اور پائیدار ترقی سے متعلق اقدامات کو شفاف انداز میں پیش کرنا ہے۔ سی ایف اے سوسائٹی پاکستان کی جانب سے دیا گیا یہ ایوارڈ کمپنی کی اسی رپورٹنگ اور گورننس سے متعلق کوششوں کا اعتراف ہے۔
