خلیجی خطے میں شدید کشیدگی اور عالمی بحری راستوں کی رکاوٹوں کے باوجود پاکستان نے چاول کی برآمدات میں تاریخی کامیابی حاصل کرتے ہوئے ویتنام کو پیچھے چھوڑ دیا۔
ستمبر 2026 میں پاکستان نے تاریخی کارکردگی کا مظاہرہ کرتے ہوئے چاول کی برآمدات میں دنیا کے تیسرے بڑے چاول برآمد کنندہ ملک ویتنام کو پیچھے چھوڑ دیا۔
پاکستان نے ستمبر کے مہینے میں 4 لاکھ 20 ہزار ٹن چاول کی برآمدات کیں، جبکہ اسی عرصے کے دوران ویتنام کی برآمدات 3 لاکھ 37 ہزار ٹن رہیں۔
امریکہ اور ایران کی کشیدگی اور خلیجی خطے میں بحری رکاوٹوں کے باوجود عالمی منڈی میں پاکستانی باسمتی چاول کی طلب مسلسل برقرار رہی۔
اعداد و شمار کے مطابق مالی سال 2026-27 کی پہلی سہ ماہی میں پاکستان کی چاول برآمدات کے حجم میں 51 فیصد اضافہ ریکارڈ کیا گیا ہے، جبکہ جولائی تا ستمبر 2026 کے دوران چاول کی برآمدات سے حاصل ہونے والے زرمبادلہ میں بھی 37 فیصد نمایاں اضافہ ہوا ہے۔
